Një burrë vë re kamerën në studion e Adi Hilës: Është alarm, o Mero!

Në një fragment të ri videoje, që ka dalë së fundmi, shfaqet momenti kur një burrë në ambient vë re një pajisje. Ajo i tërheq vëmendjen dhe ai pyet për funksionin e saj, duke lënë të kuptohet se nuk e ka të qartë çfarë është.

Në këtë moment, dëgjohet zëri i Adrian Hilës që përgjigjet: Është alarm, o Mero, për [pjesë e pakuptueshme] kokën. Unë këtu fle me çupën time.

Ky pasazh ka marrë vëmendje të shtuar, pikërisht për shkak të debatit të madh rreth kamerës që ka incizuar pamjet. Deri tani, nuk është bërë publike se kujt i përkiste pajisja, kush e kishte vendosur apo kontrolluar, dhe nëse personat e përfshirë ishin në dijeni se po regjistroheshin.

Raportimet e deritanishme kanë ngritur edhe mundësinë që imazhet të jenë marrë nga kamera të lidhura me internetin dhe të jenë siguruar përmes ndërhyrjes së jashtme. Megjithatë, kjo mbetet një pistë e pakonfirmuar dhe nuk është bërë publike mënyra e saktë se si materialet kanë përfunduar në internet.

Ndërkohë, Sektori i Hetimit të Krimeve Kibernetike ka nisur veprimet hetimore për të identifikuar burimin e materialeve, si dhe faqet e profilet që i kanë publikuar apo shpërndarë ato. Autoritetet po hetojnë rrethanat e publikimit dhe shpërndarjes së videove, ndërsa mbetet ende mister mënyra se si janë realizuar regjistrimet fillimisht.

Ky fragment i fundit shton kështu një element tjetër në hetimin tashmë në vijim: një person në ambientet në fjalë duket se e ka vënë re pajisjen dhe ka kërkuar shpjegim për të, ndërsa përgjigjja e Hilës e referon atë si “alarm”.