Jennifer Lopez ktheu kokat te sfilata e Dolce & Gabbana

Jennifer Lopez na tregoi edhe një herë pse është diva e vërtetë, duke kthyer të gjitha kokat te sfilata e Dolce & Gabbana për Pranverë Verë 2027, e cila u mbajt të shtunën, më 26 shtator 2026. Ajo zuri vendin e saj në rreshtin e parë, e veshur me një kostum kadifeje të errët, kapele të kombinuar dhe çizme hipizmi. Një look që tregon se nuk ka nevojë të bësh "drama" për të rënë në sy, mjafton pak klas dhe shumë vetëbesim.

Jashtë, fansat brohorisnin emra yjesh të tjerë si ylli i K-pop Choi San dhe aktori japonez Hikaru Iwamoto, por ishte "J-Lo" ajo që kërkonin me zë të lartë teksa VIP-at largoheshin nga sfilata. Koleksioni i ri nga Dolce & Gabbana, i cili u prezantua atë ditë, trajtoi kodet klasike siciliane të shtëpisë si një trashëgimi që duhet përditësuar, jo braktisur. Mendo: kostume tweed të përditësuara me detaje leopardi, bloomers rinore dhe bluza me sytjena të prera nga pëlhura me katrorë, plus fustane me dantella të zbukuruara me thekë dhe rruaza.

Dizajnerët Domenico Dolce dhe Stefano Gabbana u orvatën të tërhiqnin klientë më të rinj me këtë shkëmbim brezash, duke kombinuar xhinset glam me çizme kopshtarie, por pa lënë pas dore fustanet e tyre të zeza ikonike, look-et e të brendshmeve dhe printet me kafshë. Dhe, për të mos harruar, këngëtarja dhe aktorja Lopez ka një lidhje prej dekadash me këtë shtëpi mode, kështu që prania e saj aty nuk ishte aspak surprizë. Ajo iu bashkua dizajnerëve edhe më herët atë javë në Vogue World, e veshur me një fustan të zi Dolce & Gabbana pa rripa, me tyl dhe detaje me shkëlqim.

Gjatë sfilatës, Lopez i ndoqi me vëmendje modelet, por një copë vërtet shkëlqeu mes atyre glam: një pelerinë e gjatë me kapuç, me print kafshësh, detaje ari dhe e zbukuruar me gëzof sintetik. E thjesht, një copë që i shkonte fiks një divae! S'na mbetet veçse të mendojmë se sa 'boss' do të dukej J.Lo-ja me atë pelerinë kapuçi... imagjinoni pak!