Ben Affleck: "Njerëzit habiten kur kuptojnë se jam vërtet i mençur" (Dhe ai e ka provuar!)

Ben Affleck ka treguar se shpeshherë njerëzit habiten tej mase kur zbulojnë se ai është më i zgjuar nga sa e mendojnë. Dhe në fakt, 54-vjeçari ka dhe prova bindëse!

Në muajin korrik, ylli i Hollivudit, i cili bashkëdrejton kompaninë e produksionit “Artists Equity” me shokun e tij të vjetër, Matt Damon, fitoi plot 1 milion dollarë në versionin me konkurrentë të famshëm të emisionit “Who Wants to Be a Millionaire?”, së bashku me kampionin e “Jeopardy!”, Jamie Ding. Paratë e fituara u dhuruan për “Eastern Congo Initiative”, një organizatë jofitimprurëse që Affleck e bashkëthemeloi në vitin 2010.

Në një intervistë, Affleck ka thënë se reagimet pas emisionit ishin kryesisht habi e madhe. "Toni në thelb ishte paksa i habitur. Dukej sikur mendonte me vete: ‘Si dreqin ia doli ky ta bëjë këtë?’", ka treguar aktori, duke bërë shaka me idenë se suksesi i tij shpesh i atribuohet bashkëpunimit me njerëz më të zgjuar se ai.

Përveç kësaj fitoreje televizive, Affleck ka folur edhe për kompaninë e tij të inteligjencës artificiale, “InterPositive”, e cila sapo është blerë nga gjiganti Netflix për një shumë të raportuar prej 587 milionë dollarësh. Ai e lidhi këtë sukses me eksperiencën në “Who Wants to Be a Millionaire?”.

Affleck theksoi se krijimi i kompanisë së AI-së nuk ishte vetëm meritë e tij (modest ky, apo jo?), por shtoi se ishte veçanërisht i kënaqur që ajo u ble nga Netflix. Sipas tij, Netflix është një kompani që prodhon filma dhe punon drejtpërdrejt me krijuesit, ndaj kjo marrëveshje i dha besimin se teknologjia do të zhvillohet brenda një industrie ku artistët dhe producentët kanë një rol të rëndësishëm.