Rina Balaj shan restorantet e Prishtinës: “Zot, na fal!”

Rina Balaj, këngëtarja dhe reperja kosovare, ka shpërthyer publikisht duke shprehur zhgënjimin e saj të madh me cilësinë e ushqimit në restorantet e Prishtinës. Ajo e ka ndarë këtë pakënaqësi me ndjekësit në TikTok.

Në një postim, ku duket e pakënaqur në fotografi, Rina ka shkruar se Prishtina e ka ushqimin me cilësinë më të ulët që mund të ekzistojë dhe ka kërkuar që t'ia ndryshojnë mendjen, megjithëse thotë se ka ngrënë në të gjitha restorantet e Prishtinës. Ushqimin e shpejtë e ka të mirë, por për restorantet shton: “Zot, na fal.”

Kjo nuk ishte e gjitha! Ajo e ka vazhduar “sulmin” edhe në përshkrimin e postimit, duke treguar se acarohet veçanërisht kur restorantet me emër nuk i përmbushin pritshmëritë. “Ac­arohem kur jam e uritur dhe ushqimi në restorantet me emër është 1/10”, ka shkruar Balaj.

Rina e bën të qartë se kjo kritikë vjen nga përvoja personale dhe pritshmëritë e larta që ajo ka nga lokalet e njohura në kryeqytet. Megjithatë, për ushqimin e shpejtë, artistja ka pasur vetëm fjalë të mira, duke e përjashtuar nga ky “dënim” publik.

Kjo deklaratë e saj pritet të ndezë diskutime të forta mes fansave dhe frekuentuesve të gastronomisë kryeqytetase, sidomos kur dihet që Prishtina ka parë një rritje të madhe të numrit të restoranteve dhe koncepteve të reja këto vitet e fundit. A jeni dakord me Rinën, apo keni ndonjë restorant që ju shpëton shpirtin kur jeni të uritur?