Nikko Natividad at asawang si Cielo, dumanas ng ectopic pregnancy sa Singapore

Nagbahagi ng nakakalungkot na balita si Nikko Natividad sa kanyang Instagram page noong Martes, October 13, tungkol sa nangyari sa kanyang asawang si Cielo Mae Eusebio. Ang dapat sana ay leisure trip sa Singapore para i-celebrate ang birthday ni Cielo ay nauwi sa emergency nang isugod ang asawa sa ER.

Sa post ni Nikko, inamin niyang hindi nila alam na six weeks na palang buntis si Cielo. Dahil sa ectopic pregnancy, kailangang operahan agad ang asawa sa Singapore dahil delikado raw ang sitwasyon. Umabot ng anim na oras sa operating room si Cielo, at humingi ng panalangin si Nikko para sa kanyang recovery.

Nakakalungkot dahil syempre nawalan kami ng anak. Pero ang dasal ko ngayon maging ok si wife, saad ni Nikko. Sa sumunod na post ng actor, ipinakita niya na hawak niya ang kamay ni Cielo, na nagpapahiwatig na stable na ang kondisyon nito.

Kasal ang dalawa simula noong 2021 at mayroon nang dalawang anak. Noong March, naging usap-usapan ang mag-asawa matapos kumalat ang isang intimate video ni Nikko kasama ang ibang babae. Inamin ng actor ang kanyang pagkakamali, habang pinili naman ni Cielo na patawarin siya at ituloy ang kanilang pagsasama para sa pagmamahal niya sa asawa at sa Diyos.