BINI at SB19, nag-submit na para sa 2027 Grammys

Seryoso na ang labanan dahil nag-submit na ng entries para sa consideration sa 2027 Grammys ang mga P-pop heavyweights na BINI at SB19. Kasama sa kanilang submissions ang bagong category na Best Asian Pop Performance.

Para sa BINI, target nila ang Best New Artist category at ang Best Asian Pop Music Performance para sa kanta nilang “Unang K”. Sabi naman ng label nila na Star Music noong Lunes, Oct. 12, Let’s keep supporting BINI, and Filipino music and talent as we take our step to the global stage.

Hindi rin papahuli ang SB19 na nag-submit naman para sa Best Asian Pop Music Performance gamit ang “Visa” at Best Pop Duo/Group Performance para sa “Lawless.” Nagpasalamat din ang grupo sa mga naniniwala sa kanila at hinimok ang lahat na patuloy na i-champion ang musikang Pilipino para madala ito sa global stage.

Medyo controversial ang bagong Best Asian Pop Music Performance category na inilunsad noong June dahil may mga critics na nagsasabing baka magdulot lang ito ng division sa pagitan ng mga artists. Sa katunayan, hindi nag-submit ang K-pop group na BTS para sa 2027 Grammys dahil gusto raw nilang mahalin ang musika nila nang hindi nahahati base sa region o language.

Kahit may mga reklamo, tuloy pa rin ang debut ng category na ito sa 2027. Ayon kay Recording Academy CEO Harvey Mason Jr., nakatanggap sila ng feedback mula sa mga hindi sang-ayon, pero mas naging maingay ang mga enthusiastic supporters at music creators na gusto itong ituloy.

Sino kaya ang manalo? Abangan natin ang announcement ng mga nominees sa Nov. 16, at ang mismong awards ceremony sa February 2027. Manifesting na talaga tayo ng win para sa P-pop!