ASAP XP, mapapanood na rin sa TV5

Magiging mas exciting na ang Linggo dahil mag-eere na rin ang “ASAP XP” sa TV5 simula October 18. Na-announce ito sa isang ceremonial signing sa Pampanga para i-seal ang co-production agreement ng dalawang network.

Kaya nating i-expect ang mga performances ng paborito nating Kapamilya stars, at sasama na rin sa line-up ang mga artists mula sa TV5 STAR WORX para sa weekly concert experience. Sa totoo lang, game-changer ito para mas maraming viewers ang makapanood ng mga biggest stars every Sunday.

Kasama sa signing event ang chairman ng ABS-CBN na si Mark Lopez, president and CEO Carlo Katigbak, COO Cory Vidanes, at chief partnership officer Bobby Barreiro. Mula naman sa TV5, present sina chairman Manuel Pangilinan, MediaQuest president and CEO Victorico Vargas, at officer-in-charge Chaye Cabal-Revilla.

Nag-celebrate rin sa partnership na ito sina Ogie Alcasid, Piolo Pascual, Erik Santos, Darren Espanto, Alexa Ilacad, Robi Domingo, Belle Mariano, at Donny Pangilinan kasama si Dylan Menor. Mula sa STAR WORX, nandoon din sina Carmela Lorzano, Selina Griffin, at Nico Matugas.

Bukod sa TV5, mapapanood pa rin ang “ASAP XP” nang sabay-sabay sa ALLTV2, A2Z, Kapamilya Channel, Kapamilya Online Live sa YouTube at Facebook, iWant, at TFC. Sino kaya ang unang collab na gugulatin tayo rito?