Deja vu na naman: Thai beauty queen ang nanalo sa Miss Global 2026

Saffron Maya Snook ang tinanghal na Miss Global 2026 sa final competition na ginanap sa Bangkok, Thailand, noong gabi ng Linggo, October 11.

Parang sirang plaka ang timing dahil isang gabi lang bago ito, nanalo rin ang isa pang Thai na si Atsawahirankarn sa 2026 Miss Asia Pacific International na ginanap naman sa Cebu. Mapapansin na parehong 3rd runner-up ang kinalabasan para sa ating mga representatives sa dalawang contest na ito.

Sa Miss Global, 3rd runner-up si Jayvee Lyn Lorejo, pero hindi siya uuwing luhaan dahil proclaimed din siyang Miss Global Asia and Oceania. Sa Miss Asia Pacific International naman sa Cebu, 3rd runner-up din si Gabrielle Galapia. Ang dalawang reyna ay under ng ALV Pageant Circle ni talent manager at entrepreneur Arnold Vegafria.

Iba pang updates sa pageant circle

Bago pa ang mga international tilt na ito, nagkaroon na ng Coronation Gala ang ALV Pageant Circle noong June kung saan nakakuha ng national titles sina Lorejo at Galapia. Si Lorejo ang kinoronahang Miss Global Philippines (pinalitan niya si Valerie West), habang si Galapia naman ang naging Miss Asia Pacific International Philippines kapalit ni Anita Rose Gomez.

May movement din sa Miss Tourism International Philippines title. Ang korona na dati ay kay Lorejo ay napunta na kay pageant veteran Michelle Arceo, na dati ring Miss Tourism World Philippines. Nakatakdang lumaban si Arceo sa Manila ngayong December.

Isang araw bago ang Miss Global, ginanap din ang 2026 Mister Global contest. Doon, 2nd runner-up ang ating bet na si MJ Ordillano, habang ang titulong Mister Global ay nakuha ni Dilhan Divrikli mula sa Turkiye.

Kailan ba tayo magkakaroon ng back-to-back win na hindi lang sa pangarap?