SSS-Class Revival Hunter, may full trailer na para sa 2027 debut
Nilabas na ng Crunchyroll ang first full trailer ng SSS-Class Revival Hunter para sa debut nito sa Enero 2027. Sa trailer na ito, pinakita na ang visual style ng series kapag gumalaw na sa screen, bagama't wala pang confirmed na exact release date.
Streaming at production details
Magiging exclusive ang streaming nito sa Crunchyroll worldwide, maliban sa Asia. Pero don't worry, available pa rin ito sa Pilipinas, Indonesia, Singapore, Malaysia, at sa Indian subcontinent. Ang pag-direct ay hahawakan ni Hiroaki Sakurai para sa STUDIO fu., habang si Sayuri Oba ang bahala sa scripts at si Takahiro Yoshimatsu naman para sa character designs.
Pagdating sa music, sina Ryo Kawasaki at Tomoyuki Kono ang mag-compose ng sounds. Ang ending theme naman ay ibibigay ng THE SPELLBOUND at Boom Boom Satellites.
Ang voice cast at characters
Kumpirmado na si Takeo Otsuka ang boses ng protagonist na si Gongja Kim, at si Satoshi Hino naman ang gaganap bilang Sword Emperor. Kasama rin sa voice cast sina Toshiki Masuda bilang Flame Emperor, Megumi Han bilang Witch of the Black Dragon, Sayaka Kinoshita bilang Paladin, at Risa Shimizu bilang Countess.
Nariyan din sina Makoto Furukawa bilang Poisonous Viper, Natsumi Fujiwara bilang Inquisitor, Yuka Iguchi bilang Master Alchemist, at Shunsuke Sakuya bilang Blade Saint. Kung mag-hit ito, asahan nating mas marami pang Korean webcomics ang gagawing anime adaptation.
Ang plano ng Crunchyroll
Hindi lang ito basta-bastang release dahil may partnership na ang Crunchyroll sa HAYATE at WEBTOON Entertainment’s LINE Digital Frontier Corporation. Plano nilang i-develop ang around 15 Webtoon anime adaptations. Hindi lahat ng series ay makakarating sa screen, pero target nilang pasukin ang market na hindi pa fully explored ng anime. Dahil marami nang readers ang SSS-Class Revival Hunter sa original format nito, titingnan na kung dadaloy ang success na ito sa anime version.
Sino ang excited na mag-marathon nito sa January? Keri kaya talunin ang Solo Leveling?