Joey de Leon, naka-80 na pero game pa rin!
Hindi tinipid ang 80th birthday celebration ng actor, TV host, at comedian na si Joey de Leon sa Grand Hyatt Hotel noong nakaraang linggo ng October. Kasama niya sa party ang asawang si Eileen Macapagal at ang mga anak na sina Keempee, Cheenee, Jako, Jocas, at Jio, pati na rin ang mga dabarkads mula sa Eat Bulaga at mga close friends niya. Ang actual birthday naman ni Joey ay noong October 14.
Kahit sa Eat Bulaga, hindi naiwasang maiyak si Joey dahil sa dami ng mga celebrities na nakasama niya sa loob ng ilang dekada sa industriya. Noong Saturday, October 10, binigyan siya ng series of performances ng mga program hosts na sina Vic Sotto, Jose Manalo, Paolo Ballesteros, Allan K, at Wally Bayola.
Dagdag pa rito, sinurpresa siya nina Sharon Cuneta, Toni Gonzaga, at Janno Gibbs na nag-serenade sa kanya. Dumating din bilang surprise guests ang mga members ng SexBomb Girls, si Jimmy Santos, at si Sen. Tito Sotto.
Friendship goals at memories
Kuwento ni Tito Sotto, noong 1968 pa sila unang nagtagpo ni Joey—si Tito raw ang nagpo-produce ng recording habang si Joey naman ang nangongolekta ng payola. Pagdating naman sa samahan ng TVJ (Tito, Vic, at Joey), naniniwala sila na kailangang unanimous ang lahat ng decision; kapag ayaw ng isa, no good. Ito raw ang sikreto kung bakit Tito, Vic and Joey pa rin sila hanggang ngayon. The best ship is friendship, dagdag pa niya.
May mga video greetings din na natanggap si Joey mula kay broadcaster Mel Tiangco, SexBomb Girls member na si Rochelle Pangilinan, at mga actor na sina Ian Veneracion—na dating gumanap na kiddie son niya sa sitcom na "Joey and Son"—at si Michael V. Nakatanggap din si Michael V ng ilang painting ni Joey na ayaw naman niyang ibenta kay Boss Toyo.
Sa huli, nagpasalamat si Joey sa kanyang mga kasama sa Eat Bulaga at sa lahat ng sumubaybay sa kanya, at sinabing ito na ang "best birthday celebration."
Sana all may ganyang klaseng friendship goals na tumatagal ng ilang dekada, 'no?