Analyn Barro, kampante na sa kanyang sexy image para sa bagong movie

Walang problema si Analyn Barro kung ma-sexualize siya dahil sa pagbibida sa pelikulang “He’s Dating a Bold Star.” Ayon sa actress, naging comfortable na siya sa kanyang sexy image.

Sa isang media conference para sa movie, tinanong siya kung may pag-aalala ba siya tungkol sa premise at titulo ng pelikula. Para kay Barro, hindi ito naging isyu dahil naging training ground niya ang Bubble Gang. Naalala niya na noong sumali siya sa gag show, ipinapalabas pa ito tuwing Biyernes ng gabi at mas risqué pa ang mga comedy sketches noon bago ito naging more wholesome.

Sabi niya, hindi naman sa nasanay siya pero dahil doon na nagsimula ang kanyang career sa ganoong genre, parang wala na siyang naging adjustment pagdating sa sexy image. Okay lang naman daw sa kanya na i-flex ang kanyang natural features, basta hindi kailangang ipakita ang private parts o maging all-out sexy. Sa biro ng actress, sayang din naman kasi ang ginawa ng kanyang mama at papa kung hindi gagamitin ang mga natural features na ito.

Funny is the new sexy

Kahit na may association siya sa sexy image, nilinaw ni Barro na hindi siya nakaranas ng pambabastos o harassment. Sabi niya, nasanay na rin siya na ganoon ang tingin sa kanya at luckily ay wala namang nambastos sa kanya.

Para sa kanya, ang pagiging “boldstar” ay hindi naman ibig sabihin na kailangang laging ipakita ang katawan. Binigyang-diin niya na ang humor at talent ay maaari ring maging basehan para maging attractive ang isang tao. Para kay Analyn, funny is the new sexy at funny is the new boldstar. Hindi raw kailangang ipakita ang lahat dahil mas nakadepende ito sa skill, talent, at pagpapatawa.

Huwag husgahan ang movie sa cover

Pinayuhan din ni Barro ang mga manonood na panoorin muna ang pelikula bago mag-assume tungkol sa content nito. Paalala niya, Don’t judge the book by its cover! dahil hindi naman talaga ito all-out bold star movie.

Ang “He’s Dating a Bold Star” ang magsisilbing film debut ni Malupiton, na ang tunay na pangalan ay Joel Ravanera. Sa kwento, gaganap si Malupiton bilang si Jeboy, isang ordinaryo at masayahing lalaki. Magbabago ang buhay ni Jeboy nang makilala niya si Kit, ang maganda at mabait na babaeng gaganap naman si Barro. Ang kanilang pagkakaibigan ay unti-unting magiging something more meaningful habang nagdadala si Kit ng excitement at bagong posibilidad sa buhay ni Jeboy.

Ang pelikulang ito ay produced ng NKO Films at idinirek ni Niokz Arcega. Sa pamamagitan ng Go Asia Entertainment, magbubukas ang “He’s Dating a Bold Star” sa mga sinehan nationwide sa October 28.

Si Analyn Barro ay isang Filipino actress na nakilala matapos sumali sa sixth season ng reality-based talent competition ng GMA Network na StarStruck. Tinawag siyang "Crush ng Bayan" at kasalukuyang mainstay ng sketch comedy program na Bubble Gang.

Sana talaga funny na funny 'tong movie na 'to, kundi scam 'yung funny is the new sexy line!