Kim Chiu at Paulo Avelino, kukumpletuhin ang MMFF 2026 ‘Magic 8’

Kumpleto na ang 'Magic 8' ng 52nd Metro Manila Film Festival (MMFF) matapos i-announce ang drama film na 'A Perfect Marriage' na pinagbibidahan nina Kim Chiu at Paulo Avelino.

Inilabas ang second batch ng mga movie entries sa isang ceremony noong Lunes, October 12, sa Shangrila Plaza Mall sa Mandaluyong. Ang nasabing event ay hinost nina Kaladkaren at Enchong Dee.

Ang mga pelikulang ito ang bubuo sa listahan ng mga lalahok sa ika-52 edition ng festival na magbubukas sa mga sinehan sa December 25.

Hindi lang naman panonood ng movies ang ganap dahil may mga activities din bago ang festival week. Kasama na rito ang traditional Parade of Stars sa December 19 na iikot sa mga kalye ng Mandaluyong at San Juan, na siyang host cities ng edisyon ngayong taon.

May separate parade din na gaganapin sa Bacolod City, ang kauna-unahang probinsya na nakipag-partner sa Metro Manila Development Authority para sa MMFF.

Honestly, Kim at Paulo? Visual overload na agad. Sana naman ay kasing-perfect ng title ang chemistry nila para hindi sayang ang movie ticket natin!