ABS-CBN at TV5, magsasama na para sa ASAP XP

Selyado na ang co-production partnership ng ABS-CBN at TV5 para sa variety show na ASAP XP. Sa bagong agreement na ito, mapapanood ang show sa Kapatid network simula October 18.

Naganap ang signing event noong Sunday, October 11, kung saan present ang mga big boss mula sa dalawang kampo. Kasama sa mga dumalo sina Mark Lopez, Carlo Katigbak, Cory Vidanes, at Bobby Barreiro mula sa ABS-CBN, pati na sina Manuel Pangilinan, Victorico Vargas, at Chaye Cabal-Revilla mula sa TV5.

Sabi ni TV5 chairman Manuel Pangilinan, pinagsama raw ang creative strengths ng dalawang network at ang reach ng MVP Group ecosystem para sa collab na ito. Naniniwala rin siya na mas magiging malakas ang entertainment industry sa Pilipinas at mas dadami ang opportunities para sa mga Filipino artists dahil dito.