Beauty pageant turned survival game? 'Red Crown' papasok na sa sinehan

Imagine ang paborito mong pageant, pero imbes na korona lang ang nakataya, buhay na ang pinaglalaban. 'Yan ang plot ng "Red Crown," ang latest thriller film mula sa GMA Pictures na papasok sa mga sinehan nationwide sa October 28, 2026.

Directed by Dominic Zapata, isang resident director ng GMA Network, ang kwento ay iikot sa 25 contestants na sumasali sa 25th anniversary ng Queen of the Islands pageant. Pero plot twist: ang glamorous na kompetisyon na ito ay magiging isang deadly fight for survival. Habang nagaganap ang mga eliminations, magiging fatal ang mga ito, at haharap ang mga candidates sa betrayal at sabotage habang sinusubukan nilang ibunyag ang madilim na sistema sa likod ng pageant.

Sabi nga, ito ay mix ng satire, comedy, at survival-thriller. Kinuha ng pelikula ang mga familiar elements ng pageant world—yung mga rankings, scores, pasarela, at sisterhood—at ginawang absurd extreme. Parang literal na survival of the fittest ang peg kung saan ang ultimate prize ay hindi lang ang korona, kundi ang manatiling buhay.

All-star pageant cast

Hindi rin nagpahuli ang film sa casting dahil punong-puno ito ng real-life pageant royalty at Sparkle stars. Kasama sa cast sina Yana Aduana, Alethea Ambrosio, Ara Arida, Herlene Budol, Skye Chua, Michelle Marquez Dee, Shuvee Etrata, Sanya Lopez, Ahtisa Manalo, Ashley Ortega, at marami pang iba.

Kasama rin sa cast sina Michael De Mesa, Epy Quizon, Bianca Manalo, Tim Yap, at Ms. Ruffa Gutierrez.

Isinulat ang "Red Crown" nina Kit Villanueva at Ken de Leon. Sa combination ng mystery at dark humor, mukhang mapapa-edge of the seat tayo sa kompetisyong ito.

Sino kaya sa kanila ang may pinakamalakas na fighting spirit para maka-survive?