Gehlee Dangca, nag-halo-halo na agad pagbalik sa Manila

Hindi na nagpaligoy-ligoy pa si Gehlee Dangca paglapag niya sa Manila. Noong 30 September 2026, ibinahagi ng singer ang kanyang unang post sa X kung saan makikita siyang nag-e-enjoy sa halo-halo na may kasama pang turon. Simple lang ang caption niya para sa kanyang "Twitter debut," pero sapat na ito para malaman ng lahat na home is where the halo-halo is.

Balik-Pilipinas na nga ang artist para simulan ang bagong chapter ng kanyang career bilang isang solo artist at para na rin tapusin ang kanyang pag-aaral. Ayon sa Universal Records, pagkakataon ito para muling kumonekta si Gehlee sa kanyang mga Pinoy fans habang nag-e-explore ng mga bagong projects sa loob at labas ng bansa.

Sa ngayon, mananatili siya sa ilalim ng Universal Records Philippines bilang kanyang recording label. Kasama rin sa pag-support sa kanyang career ang GLXY Talent Management at Star Horizon TV Production, na kasama na niya bago pa man siya sumabak sa Korea.

Siyempre, hindi mawawala ang throwback sa kanyang K-pop era. Nagsimula ang journey ni Gehlee bilang member ng UNIS noong 2024 sa pamamagitan ng EP na We UNIS. Pero as of 26 September 2026, natapos na ang full-group activities ng grupo.

Welcome home, Gehlee!