Gwen Zamora, buntis na naman for baby no. 3!

Hindi na mapigilan ang pag-expand ng pamilya nina Gwen Zamora at David Semerad. Sa isang video na shinare ng actress sa Instagram, pinakita niya ang kanyang growing baby bump habang nasa gym. Kasama sa caption niya ang linyang Full and healthy. Let’s go round 3!

Siyempre, nag-uumapaw ang congratulations mula sa mga followers niya sa comments section. Hindi na bago ang baby news para sa dalawa dahil nauna na rito ang pagdating ni Cooper noong 2019 at ni Amber noong 2023.

Actually, double celebration ang naging marriage track record nina Gwen at David. Unang nagpakasal ang couple sa France noong 2021, at sumunod ang isa pang kasalan noong 2022.

Sana all productive ang gym session, ‘no? May baby bump na, healthy pa!