Gjesti rikthehet me postime plot humor dhe një telefonatë që na bëri të qeshim

Gjesti, artisti që na ka munguar goxha nga rrjetet sociale, është rikthyer furishëm me postime që po bëjnë xhiron. Pas një periudhe më të qetë, duket se ka vendosur të mos na lërë më pa batutat e tij dhe energjinë e pashtershme. Ai u ka drejtuar një mesazh fansave, duke premtuar se shumë shpejt do të jetë më aktiv se kurrë.

Në një video teksa po voziste, Gjesti s’e mbajti dot batutën dhe foli me humor për mungesën e komunikimit me ne, ndjekësit e tij besnikë. Ai pranoi se gjatë kësaj kohe, e ka kuptuar edhe më shumë sa e rëndësishme është mbështetja jonë, duke u shprehur se i ka marrë malli për ndjekësit e tij.

Gjatë kësaj video plot dashuri, Gjesti vuri re disa fansa në një makinë tjetër. Pa asnjë hezitim, ua ktheu menjëherë përshëndetjen me entuziazëm, duke treguar që lidhja me publikun nuk është vetëm virtuale. Më pas, artisti nuk la dyshime, premtoi se rikthimi i tij do të vijë shumë shpejt, duke ruajtur atë stilin energjik dhe spontan që e bën kaq të veçantë. Ai tha se kjo energji nuk mbahet dot e mbyllur.

Ai pranoi se kishte qenë më pasiv së fundmi në rrjetet sociale, por theksoi se problemet kalojnë, se gjithmonë ka zgjidhje dhe se do të jetë përsëri pranë publikut të tij.

Por momenti që na bëri të shpërthejmë gazit ishte një video tjetër: një telefonatë me mikun e tij, DJ Gimbo. Këtu ndodhi ajo që ndodh shpesh mes shokësh! Gjesti i thotë DJ Gimbos se po e pret te pompa, ndërsa DJ Gimbo i kthehet se duhet të vijë te autolarja. Pas një momenti konfuzioni për vendndodhjen – tipike! – DJ Gimbo e pyet: “A nuk e din ku është autolarja?”, ndërsa Gjesti i përgjigjet, “Po, po e di ku është”. Videon ai e shoqëroi me mbishkrimin “Nervoz pak po shnosh”, duke e kthyer këtë mini-dramë vendndodhjeje në një tjetër episod humoristik për ne.

Me këto postime plot ritëm dhe batuta, Gjesti po na e bën të qartë se nuk ka ndërmend të rrijë pushim gjatë. Rrjetet sociale po marrin zjarr dhe ne mezi po presim të shohim çfarë ka përgatitur Kingu i humorit për rikthimin e tij të plotë. A jeni gati për valën e re të Gjesti-t?