Shqipëria konfirmon pjesëmarrjen në Eurovision 2027!

Lajm bombë për të gjithë fansat e Eurovizionit! RTSH, transmetuesi ynë kombëtar, ka konfirmuar zyrtarisht se Shqipëria do të jetë pjesë e Eurovision Song Contest 2027. Këtë herë, sytë tanë do të drejtohen nga Bullgaria, ku do të zhvillohet edicioni i ardhshëm i kësaj gare epike.

Kështu, Shqipëria bashkohet me listën e vendeve që deri tani kanë konfirmuar pjesëmarrjen për edicionin e 2027-ës. Dhe mos harroni, drama e vërtetë fillon shumë më herët! Përfaqësuesi dhe kënga shqiptare për vitin 2027 do të zgjidhen si gjithmonë, nëpërmjet "Festivalit të Këngës" tonë tradicional, që do të mbahet në dhjetor. RTSH madje ka publikuar emrat e 28 artistëve që do të garojnë në Fest 65, kështu që na pret një dhjetor i nxehtë!

Megjithëse jemi bërë pjesë e kësaj gare që nga 2004-a dhe kemi marrë pjesë plot 22 herë, fitorja e madhe ende na pret. Rezultati ynë më i mirë deri më tani ka qenë vendi i pestë, arritur në 2012-ën me super performancën e Rona Nishliut dhe këngës "Suus". Ndërkohë, kujtojmë se në 2026-n, Alis na përfaqësoi me hitin "Nan".

Presim me padurim të shohim se kush do të jetë fytyra e re që do të na përfaqësojë dhe çfarë magjie do të sjellë në skenë. A do ia dalim kësaj here të thyejmë mallkimin e vendit të pestë, apo do na duhet të presim edhe pak për kupën e madhe?