Dua Lipa drejt Milanos? Gazeta italiane lidh mundësinë me përfitimet fiskale në Itali

Dua Lipa, këngëtarja britanike që na ka mbërthyer të gjithëve, mund të jetë gati të nisë një kapitull të ri në Itali. Sipas raporteve, ajo po mendon të zhvendoset nga Londra në Milano në fillim të vitit 2027.

Flitet se procedurat për transferimin e rezidencës kanë filluar, dhe pse jo, kjo lëvizje mund të jetë mjaft e lidhur me ato përfitimet fiskale që po ofron Italia. Milano ka tërhequr Duan gjithnjë e më shumë, sidomos kohët e fundit ku ka postuar edhe foto në rrjetet sociale me mbishkrimin: “Milan… such a cool place”.

Por, përveç magjisë së modës, artit dhe stilit të jetesës, një faktor që mund të ndikojë në këtë zgjedhje është edhe sistemi fiskal italian. Vendi ka një regjim të posaçëm për personat me të ardhura të larta që zhvendosen nga jashtë. Kështu, nëse plotësohen disa kushte, mund të paguash një taksë fikse vjetore prej 300 mijë eurosh për të gjitha të ardhurat që vijnë nga jashtë Italisë. Epo, kush nuk do t'i shpëtonte ca taksave të larta, apo jo?

Corriere della Sera shkruan se këto procedura mund të finalizohen në fillim të vitit të ardhshëm, pra në fillim të 2027-ës. Natyrisht, përfaqësuesja e saj për shtyp s'iu përgjigj kërkesave për koment, sepse siç e dimë, yjet flasin vetëm kur janë gati.

Interesi i Dua Lipës për Italinë s'është diçka e re. Milano është kthyer në një destinacion të preferuar për personazhe të njohur ndërkombëtarë, madje edhe supermodelja Naomi Campbell e ka bërë të sajën. Qyteti po tërheq si magnet njerëzit me të ardhura të larta. Deri në fund të vitit 2025, rreth 2.500 persona përfitonin nga ky regjim fiskal në Itali. Ndërkohë, kompania britanike Radical Ltd, e lidhur me aktivitetin e saj, raportoi të ardhura prej 23.3 milionë paundësh gjatë vitit 2024.

Edhe pse vetë Dua nuk e ka konfirmuar ende lëvizjen, nëse plani realizohet, Milano mund të bëhet baza e saj e re në Europë.