Harlene Bautista at Federico Moreno, nag-share ng kanilang love story

Right love at the right time talaga ang peg nina Harlene Bautista, isang actress at businesswoman, at Federico Moreno, isang US district judge. Sa programang "Fast Talk with Boy Abunda" noong Huwebes, October 1, 2026, binuksan ng couple ang kanilang love story.

Kuwento ni Federico, malapit lang pala ang school niya sa bahay ni Harlene sa Cubao, Quezon City, pero wala talagang nangyari sa kanila noon. Lumipas ang mga taon bago sila nag-click. Nagkita raw sila sa isang bar sa Quezon City matapos ang kani-kanilang mga reunion.

Batchmates pala si Federico at ang kuya ni Harlene na si Hero. Ayon kay Harlene, nanatili siya sa bar noon dahil kailangan niya ng ride pauwi. Sabi niya, It was 2 a.m. I think I said, I don’t want to be surrounded by drunk men I do not know. Kaya nang dumating si Federico, inaya niya itong maupo sa tabi niya para may mag-guard sa kaniya. Iyon daw ang unang beses na nag-usap sila nang ganoon.

Pagkatapos noon, tumawag si Federico kay Hero para magtanong tungkol kay Harlene at humingi ng permiso rito. What keeps her busy? I was asking because we would meet, but we were not really close, saad ni Federico.

Seryoso na rin ang plano ng dalawa dahil na-discuss na nila ang tungkol sa pagpapakasal. Nag-promise si Federico na aalagaan niya si Harlene, ang kanilang mga anak, at ang buong pamilya, at ipapangako ang "100% love" araw-araw. Para kay Harlene, ramdam at appreciate niya ang pagmamahal na ito, at si Federico ang gusto niyang makasama hanggang tumanda.

Bago ang relasyong ito, naging asawa muna ni Harlene ang actor na si Romnick Sarmenta, habang si Federico naman ay naging asawa ni Sheila Magdayao.

Kilig much tayo sa plot twist na ito, 'no?