Sana all! Magkita-kits na sa FanVerse sa October 10

I-clear na ang schedule dahil magaganap ang FanVerse sa October 10, 2026, alas-una ng hapon sa SM North EDSA Annex Atrium, Level 4. Para itong giant meet-and-greet kung saan magkakaroon ng mga performances at fun interactions ang mga fans kasama ang kanilang mga paboritong Kapuso stars. Plus, may chance pa raw makakuha ng mga freebies, kaya naman hindi ito dapat palampasin.

Sino-sino ba ang magpapakitang-gilas? Mula sa TiktoClock, darating sina Kuya Kim Atienza, Jayson Gainza, Herlene Budol, at Renz Verano para mag-spread ng good vibes. Para naman sa mga nakatutok sa digital talk show at podcast na TRGGRD!, asahan ang energy nina Thea Astley, Cheska Fausto, Sean Lucas, at Vince Maristela.

Hinding-hindi rin mawawala ang pambato ng All-Out Sundays na sina Josh Ford, John Clifford, Allen Ansay, Marco Masa, at Ralph Miaco. Para sa mga fans ng The Master Cutter, nandoon sina Tom Rodriguez at Andre Paras, habang ang Taskforce Firewall naman ay irerepresent nina Buboy Villar, John Vic De Guzman, Kimson Tan, Matthew Uy, at Kiko Antonio.

Sa isang social media post, hinikayat ang lahat na dalhin ang kanilang "swag" para makipag-close up sa kanilang mga faves. Kung gusto niyo pa ng more details, pwedeng bisitahin ang GMANetwork.com o i-check ang official social media accounts ng GMA Network.

Kayo, sino sa mga stars na 'to ang pinaka-excited ninyong makita?