Ryan Reynolds, lumabas ang pagka-collectible sa suot na watch

Nakita si Ryan Reynolds na suot ang isang Romain Gauthier Logical One Final Edition. Imbes na mag-stick sa mga usual na luxury brands, pinili ng actor ang mas obscure at rare na timepiece na may mother-of-pearl dial.

Hindi lang basta porma ang watch na ito dahil noong unang lumabas ang Logical One noong 2013, nanalo ito ng Best Men’s Complication Watch sa Grand Prix d’Horlogerie de Genève. Kung sa watch world, ito na 'yung Oscars.

Sa loob nito, may hand-wound movement na gumagamit ng ruby links para mabawasan ang friction, kasama ang isang snail cam at sapphire-lined mainspring barrel. Dahil dito, may 46-hour power reserve ang watch at nananatiling consistent ang force habang nag-u-unwind ang mainspring.

Kakaiba rin ang paraan ng pag-wind nito. Kalimutan na ang pag-twist ng crown dahil ginagamitan ito ng pusher sa gilid ng case. Sa bawat pindot, unti-unting nawa-wind ang movement, na parang isang mechanical theatre sa high-end watchmaking.

Limited edition at exclusive

Noong 2021, inanunsyo ang Final Edition bilang huling chapter para sa Logical One. 20 pieces lang ang ginawa ng Romain Gauthier sa white gold at 20 pieces naman sa natural titanium bago ito tuluyang i-retire para mag-move on sa next generation ng movements. Ang white-gold version ay may sukat na 43mm ang lapad at 14.2mm ang kapal.

Pero mas level up ang version ni Reynolds. Ang dial nito ay may UAE Arabic numerals na nagbibigay ng regional twist sa technical look ng watch, habang ang mother-of-pearl ay dagdag detalye sa elaborate na face nito.

Para sa mga gustong malaman kung gaano ka-collectible ang mga ito, isang titanium Logical One Final Edition ang nabenta sa Phillips noong 2023 sa halagang around £96,000. Sobrang layo nito sa estimate na £38,000 hanggang £76,000. Let's be honest, hindi ito basta-basta nabibili sa mall.