Gregoria Lakambini, magbabalik na sa Proscenium Theater ngayong November

Magbabalik ang musical na Gregoria Lakambini mula November 13 hanggang 29 sa Proscenium Theater sa Rockwell, Makati. Ito ang ikatlong production para sa 40th performance season ng Tanghalang Pilipino, kasunod ng Sayaw ng mga Ilaw na natapos na nitong October.

Sino ba si Gregoria de Jesus? Sa musical na ito, hihimayin ang buhay niya mula pagkabata sa Caloocan hanggang sa maging Lakambini ng Katipunan at makasama si Andres Bonifacio sa Philippine Revolution. Ang twist? Gagamit sila ng sound at energy ng isang P-pop girl group para ipakita ang kwento niya bilang rebolusyonaryo, asawa, at ina. Finally, mabibigyan ng spotlight ang isang historical figure na madalas naiwan lang sa gilid ng mga kwento.

Complete package ang pagbabalik dahil lahat ng original cast ay magre-reprise ng kanilang mga roles. Marynor Madamesila ang gaganap bilang Gregoria de Jesus, habang si Anya Evangelista naman ang gumanap bilang Andres Bonifacio at magiging bahagi rin ng ensemble. Kasama rin sina Heart Puyong bilang Emilio Aguinaldo, Sofia Sacaguing bilang Julio Nakpil, at si Sarah Monay bilang understudy ni Gregoria de Jesus—lahat sila ay bahagi rin ng ensemble. Sina Ynna Rafa at Murline Uddin ay nasa ensemble din, habang papasok naman si Frances Marie bilang swing.

Sa likod ng camera, si Delphine Buencamino ang director at co-choreographer. Kasama niya sina Lhorvie Nuevo-Tadioan bilang associate director at dance captain, at Jan Matthew Almodovar bilang co-choreographer. Kasama rin sa artistic team sina Mark Lorenz para sa set, Marco Viaña sa costumes, Earvin Estioco sa lighting, at JM Jimenez para sa video projection.

Kumpleto rin ang technical crew: Arvy Dimaculangan sa sound design, Sabrina Basilio sa dramaturgy, Michael Fernandez bilang musical direction associate, Justin Santiago bilang video projection design associate, Jo Ann Requiestas bilang technical director, at Julian Hernandez bilang sound engineer.

Kung plano ninyong manood, itala na ang mga schedules. May mga 8 PM shows sa November 13, 19, 20, 26, at 27. Kung mas gusto ninyo ang hapon or gabi, may 3 PM at 8 PM shows sa November 14, 21, at 28, at 3 PM shows naman sa November 15, 22, at 29. Pagkatapos nito, abangan naman ang Ricardo Segundo na Filipino translation ni Guelan Varela-Luarca para sa Richard II ni William Shakespeare sa February 2027.

Sino ang isasama niyo sa theater date?