Inka Magnaye, dismayado sa AI matapos mawalan ng job ang mommy niya

Kuwento ni voice-over artist Inka Magnaye sa isang Facebook post noong Huwebes, 8 October, na nawalan ng voice-over job ang mommy niyang si Lindy Pellicer, isang veteran voice artist, dahil pinili ng client ang artificial intelligence (AI).

Sabi ni Inka, My heart breaks for all the artists and creatives, habang shineshare ang screenshot ng convo nila ng mommy niya kung saan nakasulat: I just lost a voice over job to AI.

Kahit hindi pinangalanan ni Inka ang client dahil major brand ito at gets naman niya na may sariling interest ang mga business, hindi niya naiwasang magbigay ng warning. Pinapaalalahanan niya ang mga kumpanya at consumers na isipin ang epekto ng mga ganitong desisyon sa mga creative professionals na nakadepende ang kabuhayan sa mga paid projects.

Para kay Inka, ang paggastos ng tao ay parang pag-vote na rin kung anong future ang gusto natin. Binigyang-diin niya na ang perang napupunta sa mga human creatives ay bumabalik din sa ekonomiya dahil gumagastos din sila bilang consumers.

Direktang kinuwestiyon ni Inka ang mga big brands: Is that the future you want? A world where numbers, codes, and programs syphon the earth’s resources and take opportunities from actual human beings?

Naniniwala siya na dapat tool lang ang AI at hindi replacement para sa human talent. Para sa kanya, "lifeless" ang mga AI-generated voice-overs, art, at music dahil hindi nito kayang gayahin ang human qualities ng creative work. Babala rin niya, baka husgahan ng mga consumers ang mga brands na mas pinipili ang AI kaysa sa gawa ng tao.

And we are slowly being backed into a dead world one prompt at a time, dagdag pa niya.

Sa dulo ng kanyang post, inanyayahan ni Inka ang mga brands at kumpanya na i-hire si Lindy Pellicer para sa mga future voice-over projects dahil free na raw ang schedule nito.

Sana all may anak na ready mag-promote at lumaban para sa kanila, pero seriously, keri pa ba talaga ng AI ang emosyon ng tao?