Bailey May, gustong makatrabaho si Pokwang sa GMA

Sino ang mag-aakala na ito ang dream pairing namin? Sa guesting ni Bailey May sa Unang Hirit noong Biyernes, October 9, hindi niya tinago na gusto niyang makasama si Pokwang sa isang proyekto sa hinaharap.

Nang tanungin ang bagong Kapuso tungkol sa mga genre na gusto niyang subukan sa GMA Network, hindi siya nagdalawang-isip na banggitin ang action, comedy, at horror. Pero ang talagang plot twist ay nang tanungin siya kung sino ang gusto niyang maging leading lady, dahil sagot niya, “Pokwang. Why not?”

Let's be honest, kahit isipin lang natin ang chemistry nila sa isang rom-com o horror movie, panalo na. Ibang level ng energy ang dala ni Pokwang, at kung handang sumabay si Bailey, baka ito na ang pair na hindi natin alam na kailangan pala natin.

Bukod sa pag-iisip ng future projects, binalikan din ni Bailey ang kaniyang journey bilang member ng global pop group na Now United. Para sa kaniya, isa itong "another blessing" sa kaniyang buhay kung saan marami siyang natutunan mula sa mga best choreographers at producers. Ang mga experience na ito ang plano niyang dalhin at gamitin ngayong nasa GMA na siya.

Kakarating lang talaga ni Bailey sa network dahil pumirma siya sa Sparkle noong Miyerkoles, October 7. Sabi nga ng Sparkle sa social media, dala ni Bailey ang kaniyang years of experience as an artist and performer.

Siyempre, hindi na bago si Bailey sa paningin natin dahil sumikat siya noong 2012 matapos maging 4th Big Placer ng "Pinoy Big Brother: 737". Ngayon, ready na siyang ipakita ang versatility niya sa bagong network.

Kaya GMA, please naman, gawin niyo nang reality ang Bailey-Pokwang pairing dahil we are definitely here for the comedy!