Mika Salamanca, kinilig pero na-shock sa pag-court ni Will Ashley

Hindi na nagpaligoy-ligoy pa si Will Ashley nang lumabas sila ng Pinoy Big Brother: Celebrity Collab Edition. Sa latest episode ng "Your Honor," ibinunyag ni Mika Salamanca na agad siyang niligawan ng Sparkle star pagkatapos ng kanilang journey sa Bahay ni Kuya dahil ayaw raw nitong mawala ang connection nila.

Pero aminin natin, medyo valid naman ang pagka-shock ni Mika. Paano ba naman, may kanya-kanya silang trabaho sa showbiz at magkaiba ang priorities nila sa buhay, ayon kay Mika.

Kahit ganoon, hindi sumuko si Will. Humingi raw ito ng chance at nakiusap na bigyan siya ng one month para patunayan ang sarili. Sabi ni Will, kung hindi raw magustuhan ni Mika ang pagtrato niya, pwede naman itong tumanggi.

Let's be honest, talagang determined si Will dahil multiple times siyang nanligaw, pero paulit-ulit din naman itong rineject ni Mika. Pero hindi ito sorpresa sa mga nakakaalam, dahil last year pa lang sa vlog ni Mika, inamin na ni Will na type niya ang influencer sa lahat ng female housemates. Pati nga noong boys' night out pa lang sa PBB, nabanggit na ni Will kay Emilio Daez na si Mika ang gusto niyang pagconfess-an.

Kahit may drama ng ligawan at rejection, mukhang okay naman ang lahat dahil magsasama ang dalawa sa upcoming GMA Afternoon Prime series na "Delivery Boi" na magsisimula sa 19 October 2026.

Sana all may nanliligaw agad after PBB, 'no? Kayo, ship niyo ba ang dalawang ito o purely professional na lang talaga?