Filipino film na ‘Ria,’ nanalo ng Heart of Eurasia Award sa Busan International Film Festival
Nanalo ang pelikulang “Ria” ng Heart of Eurasia Award sa 31st Busan International Film Festival sa South Korea. Kinilala ang film bilang isang outstanding Asian film sa Vision section ng festival, kung saan ibinibida ang mga independent films at emerging cinema mula sa iba't ibang rehiyon.
Ang 95-minute film ay idinirek ni Arvin Belarmino at nagkaroon ng world premiere sa BIFF under the Vision Asia section. Hindi rin biro ang scale ng project na ito dahil co-production ito ng limang bansa: Philippines, Netherlands, Norway, Saudi Arabia, at Japan. Nakatanggap si Belarmino ng cash prize na 10 million South Korean won, o humigit-kumulang P469,000.
Kaso, medyo nakakapanghinayang dahil hindi nakadalo sa awards night ang mga producers nito na sina Sylvia Sanchez at Grace Ann Casimsiman. Kailangan na kasi nilang bumalik agad sa Pilipinas pagkatapos ng opening rites. Kasama rin nilang umuwi ang lead actress na si Nour Hooshmand.
Para sa mga hindi pa pamilyar, ang kwento ni Ria ay tungkol sa isang folk-punk musician na ginagampanan ni Hooshmand. Binubuhos dito ang mga challenges ng buhay gaya ng poverty, state violence, forced displacement ng kanyang community, at ang paghina ng kalusugan ni Olga, ang babaeng nagpalaki sa kanya na ginampanan naman ni Sanchez.
Speaking of Nour Hooshmand, fresh na fresh pa siya mula sa pagkapanalo ng Best Supporting Actress sa CinePanalo Film Festival 2026. Mapapanood din siya sa “Filipiniana” ni Rafael Manuel, na siya namang official entry ng Pilipinas para sa 99th Academy Awards.
Kasama rin sa mga Nathan Studios films na itinampok sa BIFF ang “Nagi Notes” at ang nabanggit na “Filipiniana.”
Sana all may international award at cash prize, 'no?