Regine Velasquez, Donna Cruz, at Mikee Cojuangco, nag-reunion sa ‘Finale’ concert
Hindi lang basta concert ang unang gabi ng “Finale” concert series ni Regine Velasquez noong Sabado, October 17, dahil nagkaroon ng surprise reunion ang singer kasama ang kanyang mga co-stars sa pelikulang Do Re Mi na sina Donna Cruz at Mikee Cojuangco.
Nagbukas ang palabas sa Mall of Asia Arena sa “Narito Ako,” na sinundan ng “You Are My Song” kung saan hindi napigilan ni Regine na maiyak. Itinuloy niya ang gabi sa kanyang mga classic hits.
Siyempre, hindi mawawala ang kilig dahil sumali rin sa stage ang kanyang asawa na si Ogie Alcasid para sa isang duet ng kanilang kanta. Pagkatapos, sumama sa kanya sa stage sina Donna Cruz at Mikee Cojuangco para kantahin ang dalawang awitin.
Pasabog din ang outfit ni Regine dahil nagsuot siya ng white gown na may sparkling details kung saan nakasulat ang mga titles ng kanyang mga kanta. Sa gitna ng performance, nagpasalamat si Regine sa dalawang singer-actress dahil palagi silang pumapayag kapag niyaya niya. Naalala rin niya ang kanilang friendship simula noong 1996 film nila, at kahit hindi sila madalas magkita, nanatili silang magkakaibigan.
Kaso, may kaunting kaba pagkatapos ng show nang magkaroon ng maliit na sunog sa special exhibit kung saan naka-display ang ilan sa mga concert gowns ni Regine. Buti na lang at agad itong naapula kaya safe ang lahat.
Kung hindi ka naka-attend noong Sabado, may chance pa dahil may schedule pa si Regine para sa “Finale” concert ngayong Linggo, October 18, at bukas, Monday, October 19.
Sino kaya ang susunod na mag-reunion sa stage? Sana all may ganitong friendship goals!