مديحة حمدي تحكي عن حادثة زوجها قبل الفرح وسر «خزنة» حماتها

مديحة حمدي حكت إن زوجها كان رايح يعزم أقاربه على الزواج، وحصل حادث، وكان بيلعب تجديف واتعمله جبس. بس المفاجأة إن زوجها رفض تماماً تأجيل ميعاد الفرح رغم الإصابة.

مديحة وضحت إن حماتها شافت وقفتها وإزاي كانت بتساعدهم في الظروف دي، وده خلى حماتها تقول لها: "أنا لما عشرتك حبيتك جداً".

وعن علاقتها بحماتها من البداية، مديحة قالت إن زوجها أخدها لوالدته في فترة التعارف، واستقبلتها كويس وعزمتها، وهي كمان أخدت معاها شوكولاتة وهي رايحة.

مديحة أكدت إنها اتعلمت من حماتها حاجات كتير في فترة الخطوبة والجواز، خاصة إزاي تكون سيدة منزل، وإنها تكون متعاونة وتزور المريض وتساعد أي حد محتاج حاجة، ده غير إنها اتعلمت منها العرف والعادات والتقاليد.

وحكت مديحة عن موقف بخصوص جهاز العروسة، لما حماتها لاحظت إن مفيش عقد لولي في جهازها وقالت لها: "أنا مشوفتش في جهازك عقد لولي لازم تشتري عقد لولي"، وبالفعل جابته وكان مهم مع الشبكة.

وأضافت مديحة إن حماتها قالتلها بتحط فلوسها فين ومكانتش بتقول لأولادها، وكانت بتحط الفلوس في «بوفيه» السفرة.