شيرين عبد الوهاب ومدين يرجعوا لبعض في «كان عندك كام سنة»

شيرين عبد الوهاب نزلت أغنية جديدة بعنوان «كان عندك كام سنة» على قناتها الرسمية على يوتيوب ، والأغنية دي من ألحان مدين.

مدين أكد إنه مبسوط جداً بالتعاون ده، ووضح إنهم اشتغلوا وجهزوا للأغنية بقالهم حوالي 5 شهور. وقال إن شيرين اختارت التوقيت الأمثل لطرح الأغنية، وإنه يتمنى أن تنجح وتوصل للناس زي ما حصل في أغانيهم اللي فاتت.

ده مش أول تعاون بينهم، بالعكس، الاتنين بينهم تاريخ طويل من الأغاني الناجحة اللي لحنها مدين لشيرين، زي «أنا كتير»، «حبه جنة»، «كلام عينيه»، «الدهب»، «قالك نسيني»، و«ما زال عالبال». ده غير إن شيرين كسرت رقم قياسي في موسوعة جينيس ريكورد بأغنية «كلام عينيه» ضمن قائمة بيلبورد لأفضل فنان عربي.

مدين كمان محبش ينسى يشكر كل اللي شاركوا في خروج الأغنية للنور، ووجه رسالة حب وتقدير للشاعر أمير طعيمة والموزع توما، ووصفهم بأنهم شركاء نجاح وإخوة ليه.