عمرو دياب ولعها في مول مصر ومسافر إسطنبول بكره

عمرو دياب عمل حفلة كبيرة السبت 26 سبتمبر في مول مصر بمدينة السادس من أكتوبر، وسط حضور جماهيري واسع وتفاعل لافت من محبيه.

الهضبة بدأ السهرة بأغنية "يا أنا يا لأ"، وبعدها دخل في مود التنوع بين الجديد والقديم. غنى "خطفوني" ووغيرها من أعماله الحديثة والقديمة. وطبعاً مأنساش يرجعنا للذكريات بمجموعة من أشهر أغانيه .

الحفلة كان فيها كمان أغاني الحملات الإعلانية اللي قدمها في رمضان، وكمل السهرة بأغاني "يهمك في إيه" و"تنسى واحدة" و"الألوان" و"جيتلك" و"بتهزر"، وسط مشاركة جماعية من الحضور في الغناء والتصفيق.

وبالنسبة للخطوات الجاية، عمرو دياب بيستعد لحفلة جديدة في مدينة إسطنبول التركية يوم 3 أكتوبر، أي بكره. ده غير إنه لسه محقق إنجاز جديد ودخل موسوعة جينيس للمرة الثانية، بعد ما تصدر قائمة Billboard Arabia Artist 100 لمدة 69 أسبوعاً.