Dua Lipa, super yll në Madrid me fustan plot shkëlqim dhe shpinë të zbuluar

Dua Lipa i ka treguar të gjithëve se nuk mund të gabosh kurrë me një fustan plot shkëlqim, me shpinë të zbuluar. Kjo ishte vërtetuar gjatë koncertit të Shakirës të shtunën, më 4 tetor, në Madrid, Spanjë, ku këngëtarja shqiptare befasoi publikun duke u ngjitur në skenë për një performancë speciale dyshe.

Shakira e prezantoi Dua Lipën në skenë duke thënë se ishte një fanse e madhe e saj, por që kur e takoi, ishte “e mahnitur”. Këngëtarja e "Waka Waka" e falënderoi Dua Lipën që pranoi ftesën, ndërsa ajo u përgjigj se ishte e mirënjohëse që ishte aty.

Shakira vazhdoi duke shprehur adhurimin e saj dhe tha se ishte mrekulluar nga modestia e Dua Lipës dhe nga sjellja e saj e sjellshme ndaj ekipit të saj.

Dyshes më pas e ndezën publikun duke performuar hitin e Shakirës, "Antologia", duke i bërë fansat të "çmenden" krejtësisht kur panë Dua Lipën të këndonte në spanjisht. Ndërsa vetë shfaqja e këngëtares britanike në koncert ishte e mjaftueshme për të krijuar "zhurmë", look-u i saj joshës u bë shpejt një tjetër temë diskutimi.

Për këtë koncert të veçantë, Dua Lipa veshi një fustan të zi shkëlqyes, të ngushtë pas trupit, me një prerje rreth qafës, me prerje anësore "të guximshme" dhe një shpinë dramatikisht të zbuluar. Ai gjithashtu kishte një të çarë të thellë në anën e majtë të këmbës, duke i dhënë një pamje "të zjarrtë" dhe tejet moderne. Sa i përket flokëve, këngëtarja i la fijet e saj të zeza të bien lirshëm mbi supe, duke e mbajtur fokusin te veshja e saj spektakolare. Aksesorët ishin minimalë, pikërisht për të lejuar prerjet "high-impact" dhe shkëlqimin e fustanit të ishin në qendër të vëmendjes. Vërtet, një look që të lë gojëhapur!

A e tejkaloi veten Dua me këtë paraqitje apo jo?