Katrina Halili at Kris Lawrence, bago na ang chapter bilang LuxeSlim ambassadors

Selyado na ang partnership nina Katrina Halili at Kris Lawrence sa LuxeSlim matapos silang opisyal na pumirma bilang mga bagong brand ambassadors ng wellness brand. Ginanap ang intimate partnership event sa Alimento Molito sa Alabang kung saan nagtipon-tipon ang dalawang artists, mga executives ng LuxeSlim, members of the media, at mga supporters para sa isang hapon na nakapokus sa wellness at personal growth.

Para sa LuxeSlim, ang collaboration ay pagkakataon para ikonekta ang wellness message nito sa dalawang pamilyar na personalities na may sariling karanasan sa pag-balance ng career, pamilya, at personal priorities. Si Kris Lawrence ay isang Filipino-American singer-songwriter at actor. Sa event, tinawag silang “Ms. B” at “Mr. B,” at kitang-kita ang relaxed energy nila habang nag-uusap tungkol sa kanilang personal journey at mga pagbabagong naranasan nila mula noong mas bata pa sila.

More on the personal side

Kahit partnership sa wellness brand ang main event, hindi naiwasang maging main topic ang renewed relationship nina Katrina at Kris. Marami nang fans ang nakapansin sa kanilang renewed closeness sa online, kaya naman naging sentro ito ng usapan sa media event. Casual at lighthearted lang ang naging approach nila sa pag-address ng kanilang status.

Nang tanungin kung ano ang nagbago sa kanila, maturity at greater responsibility ang itinuro ng dalawa. Sabi nila, Syempre mas mature. Mas responsable kami ngayon. Mas inaalagaan namin yung sarili namin. Mas nag mature. Ang pangit naman kung hindi nag mature noh, sabay tawa. Refleksyon ito ng stage ng buhay nila ngayon dahil pareho na silang dumaan sa malalaking personal at professional changes kung saan nag-evolve na rin ang kanilang mga priorities.

Para kay Katrina, may dalang lighter feeling ang renewed relationship na ito. Inamin niyang feeling niya ay “maganda” at “fresh” siya, at nagbiro pa na parang bumata siya. Feeling maganda, feeling fresh. Feeling ko mas bumata ako ganun, dagdag niya, na nagpakita lang kung gaano sila ka-comfortable sa isa't isa habang sumasagot sa mga tanong.

Truth behind the vlogs

Dahil sa dalas ng kanilang pagpapakita sa online content, may mga nag-speculate na baka publicity strategy lang ang kanilang reconciliation at pagiging visible. Pero nilinaw ni Katrina na bago pa bumalik si Kris, gumagawa na siya ng mga simpleng vlog kasama ang anak niyang si Katie noong nakaraang taon. Ang mga videos na ito ay tungkol sa ordinaryong moments sa bahay gaya ng pag-spend ng oras, paggawa ng household chores, paghuhugas ng pinggan, at paglilinis.

Natural lang daw na sumama si Kris sa content dahil kasama na siya sa kanilang everyday activities. Giit ni Katrina, ang nakikita ng audience online ay natural na nadevelop at hindi base sa anumang prepared storyline. Totoo na content po talaga sya, na nadevelop… Hindi po kami gumagawa ng script sa mga ginagawa namin, paliwanag niya para bigyang-konteksto ang kanilang visibility.

Future and wellness goals

Para naman kay Kris, ang paggastos ng mas maraming oras kay Katrina ay nagbigay-daan para madiskubre niya ang mga aspeto ng actress na maaaring hindi niya nakita noon. Described niya ang kanilang current relationship bilang more aligned, at naniniwala siya na ang mga pinagdaanan nila individually ang nag-contribute sa bagong understanding sa pagitan nila. Nag-hint pa siya na magiging mas interesting ang kanilang renewed chapter dahil Papunta na tayo sa exciting part.

Imbes na mag-focus sa nakaraan, mas interesado ang dalawa sa kung ano ang binubuo nila sa kasalukuyan. Ang partnership sa LuxeSlim ay isa ring venue para magtrabaho silang magkasama habang pino-promote ang wellness na relevant sa kanilang daily lives. Para kay Katrina, ang wellness ay tungkol sa pag-maintain ng sarili habang hinahawakan ang responsibilidad bilang actress at ina. Para naman kay Kris, mahalaga ang pagiging active at healthy habang binabalanse ang music career at pagiging magulang.

Inaasahan na ang campaign ng LuxeSlim ay mag-fo-focus sa togetherness, active lifestyle habits, at overall well-being. Ang pirmahan sa Alimento Molito ay nagsilbing backdrop para sa dalawang artists na ngayon ay nakapokus sa pagkuha ng greater responsibility para sa kanilang sarili at sa mga taong pinakamalapit sa kanila.

Kailan kaya darating 'yung exciting part na sinasabi ni Kris?