Janice de Belen, ayaw pang mag-predict kung endgame sina Kaila Estrada at Daniel Padilla

Sabi ni Janice de Belen, okay naman at mukhang mabuting bata si Daniel Padilla. Sa interview niya kay Ogie Diaz na na-share sa YouTube noong Linggo, October 11, nilinaw ng veteran actress na wala siyang masabing masama sa actor at suportado niya ang relasyon nito sa anak niyang si Kaila Estrada.

Para kay Janice, ang pinaka-importante ay ang happiness ni Kaila. Aminado siya na nakikita naman niyang masaya ang anak tuwing may mga special occasion at nakikita niya si Daniel, kaya wala siyang dahilan para magreklamo. Kahit casual talks lang ang nagagawa nila ni Daniel, inilarawan niya ang actor bilang isang taong "maingat." Sabi pa ni Janice, sinisiguro niyang warm at welcoming siya sa mga partners ng kanyang mga anak.

Pero nang tanungin siya kung nakikita niya ba ang dalawa sa ending, dito na naging cautious ang mommy. Ayon sa kanya, mahirap magsalita dahil naranasan na rin niya noon na akala mo ay ending na, pero hindi pala.

Tiwalang-tiwala naman si Janice sa kakayahan ni Kaila na mag-handle ng sarili. Para sa kanya, kung hindi na masaya ang anak, alam niyang kaya itong lumakad palayo. Binanggit din niya na ang mga kabataan ngayon ay mas mabilis magdesisyon at hindi na uso ang pagtitiis kapag hindi na okay ang relasyon. Para sa kanya, good thing ito dahil hindi na sila masyadong mahihirapan.