Cynthia Yapchingco, nagluksa sa pagpanaw ng asawang si Susan Lim

Nagbahagi ng isang madamdaming tribute sa social media si Cynthia Yapchingco, miyembro ng SexBomb Girls, para sa kanyang asawa at longtime partner na si Susan Lim.

Inamin ni Cynthia na nahirapan siyang humanap ng mga salitang sapat para ipaliwanag ang kanyang pighati. Ayon sa kanya, No words could ever capture what she meant to me… or the heartbreak of saying goodbye.

Sa kanyang mensahe, pinaghalo ni Cynthia ang sakit ng pagkawala at ang pasasalamat para sa mga taon na pinagsamahan nila. Umaasa rin siya na ang mga alaala ni Susan ang magbibigay ng lakas at comfort sa lahat ng nagluluksa. Sinabi rin niya, May the love and beautiful memories you shared bring comfort through the pain, and may her light remain with us always.

Nilagay ni Cynthia sa dulo ng kanyang tribute ang petsang 14 September 2026, kasama ang mga emojis ng kalapati at pagdarasal.

Ang legacy ni Susan Lim

Hindi lang basta partner si Susan para kay Cynthia, kundi isang kilalang pangalan din sa industriya ng entertainment sa Pilipinas sa pamamagitan ng Big Slim Entertainment.

Ang kompanya ni Susan ang nasa likod ng sikat na F4 concert sa Pasig noong 2003, kung kailan peak ang popularity ng Taiwanese group sa bansa. Bukod dito, nag-produce rin ang Big Slim Entertainment ng mga tour para sa mga higanteng music stars gaya nina Regine Velasquez, Martin Nievera, Sharon Cuneta, at Pops Fernandez.

Para kay Cynthia, higit pa sa mga achievements ni Susan bilang concert producer ang kanyang legacy. Ang focus ng kanyang tribute ay ang personal nilang pagmamahalan at ang mga alaalang maiiwan matapos ang kanilang paalam.

Nagpakasal ang dalawa sa United States noong June 2023, na naging isang mahalagang bahagi ng buhay ni Cynthia.

Nakikiramay kami sa pamilya at mga mahal sa buhay ni Susan.