Girl Rules cast, nagbigay ng todo-todong kilig sa Manila fan meeting

Sobra ang kilig ng mga fans noong Sabado, October 3, nang humarap sa entablado ang cast ng Thai GL series na Girl Rules para sa kanilang fan meeting sa SMX Convention Center Manila. Talagang powerhouse ang naging vibe ng event dahil kumpleto ang mga paborito nating pairs: sina Namtan Tipnaree at Film Rachanun (NamtanFilm), Milk Pansa at Love Pattranite (MilkLove), at View Benyapa at Mim Rattanawadee (ViewMim).

Para kina NamtanFilm at MilkLove, ito ang inaabangang pagbabalik nila sa Pilipinas. Pero ang pinaka-special na moment ay para sa ViewMim, dahil ito ang kauna-unahang event nila rito sa bansa. Ang Manila leg naman ang nagsilbing final show para sa buong Girl Rules fan meeting tour.

Naging emosyonal ang tatlong pairs habang nagpapasalamat sa mga fans na sumuporta sa event. Hindi rin nila naiwasang ipakita ang pride nila bilang bahagi ng 2026 Thai GL series.

Sino sa inyo ang nakapunta sa fan meeting?