Wendell Ramos, naging certified bumbero pala!

Sino ang mag-aakalang ang nakikita nating sa screen ay marunong din pumuksa ng apoy? Sa interview ni Wendell Ramos sa "Fast Talk with Boy Abunda" noong Lunes, October 5, inamin ng actor na pumasok siya sa firefighting training dahil gusto niyang makatulong sa sarili niyang paraan noong panahon ng pandemic.

Hindi lang basta training ang ginawa niya dahil certified ABP (Ang Bumbero ng Pilipinas) firefighter na si Wendell simula June 2020. After ng training, agad naman siyang sumabak sa duty. Isa sa mga hindi niya malilimutang experience ay noong rumesponde siya sa isang sunog sa Valenzuela.

Kuwento ni Wendell, nakaranas siyang umakyat sa bubong at nagpasalamat sa kanya ang mga tao kahit hindi siya nakilala dahil naka-face mask siya. Para sa kanya, napakalaking blessing at "great feeling" na makapagbigay at makatulong sa kapwa.

Hanggang ngayon, active pa rin daw siya sa pagiging volunteer firefighter kapag wala siyang work. Gusto rin niyang magsilbing inspirasyon para sa iba na subukan din ang volunteer work. Binigyang-pugay din niya ang Bureau of Fire Protection at ang buong community ng mga bumbero.

Busy rin si Wendell sa pag-arte. Kasalukuyan siyang bida sa GMA Afternoon Prime series na "Kamao" na napapanood tuwing weekdays, 3:20 p.m., pagkatapos ng "Born to Shine".

Sana all may hidden talent na ganito ka-heroic, 'no? Kayo, anong volunteer work ang gusto ninyong subukan?