Andrea Del Rosario, nag-spill ng tea tungkol sa Viva Hot Babes era at kay Vin Diesel

Handa na ba kayo sa tea? Sumama si Andrea Del Rosario sa barkada ng TRGGRD! para balikan ang iba't ibang eras niya sa showbiz. Hindi lang ito basta throwback dahil naging fearless at juicy ang usapan tungkol sa pagiging isa sa mga iconic members ng Viva Hot Babes.

Sa episode, pinag-usapan ang pagiging "sexy star" ni Andrea: nakabukas ba ng mga pinto ang image na ito o nagdulot ng limitasyon? Kinailangan ba niyang magtrabaho nang doble para mapatunayang seryoso siyang aktres?

Siyempre, hindi mawawala ang mga chika tungkol sa love life! Kinuwento ni Andrea ang tungkol sa mga sikat na lalaking nailink sa kanya. At ang pinaka-inaantay ng lahat: tinalakay ang kuwento kung ano nga ba talaga ang nangyari kay Vin Diesel.

Sakto rin ang timing dahil may reunion ang Viva Hot Babes. Dahil dito, pinag-usapan ang pag-own sa pagiging sexy sa bawat stage ng buhay. Sinagot din ni Andrea ang big question: mas nagiging sexy nga ba ang mga babae habang nagkaka-edad?

Let's be honest, ang lakas ng dating ni Andrea kahit anong era pa.