Irma Libohova me mesazh të fortë: “Larg duart nga studentët dhe e ardhmja!”

Këngëtarja e njohur shqiptare, Irma Libohova, ka shpërthyer me një reagim të fortë kundër ndërhyrjeve të policisë gjatë protestave në kryeqytet. Ajo ka dënuar përdorimin e dhunës ndaj qytetarëve dhe studentëve.

Përmes një mesazhi publik, artistja ka treguar hapur indinjatën e saj për mënyrën se si autoritetet kanë trajtuar protestuesit. Ajo ka theksuar rëndësinë e respektimit të të drejtës së qytetarëve për të protestuar në mënyrë paqësore.

Libohova i ka bërë një thirrje të drejtpërdrejtë policisë, duke kërkuar që të qëndrojnë larg: “Larg duart nga nënat, fëmijët, vajzat e gratë! Larg! Larg duart nga studentët! Larg duart nga e ardhmja! IKNI! Me protestën!” Kjo deklaratë, e mprehtë dhe plot zemërim, përmban edhe një mesazh të qartë kundër qeverisë, duke shkruar “O shteti pashtet! Ka shkuar thika në asht”.

Me këtë qëndrim, artistja shpreh mbështetjen e saj të palëkundur për protestuesit. Për të, mbrojtja e studentëve dhe e të rinjve nuk është thjesht një çështje e momentit, por lidhet drejtpërdrejt me të ardhmen e gjithë vendit. Reagimi i Libohovës i shtohet debatit publik rreth ndërhyrjet e policisë, sjelljen e institucioneve dhe respektimin e të drejtave të qytetarëve për tubim. Një mesazh i tillë nga një figurë kaq e njohur, si mund të mos bëjë jehonë?