Aurela Gaçe jep alarm: Më mirë një fund me dhimbje se një dhimbje pa fund

Aurela Gaçe reagoi me një mesazh në rrjetet sociale. Ajo shprehu shqetësimin e saj për të ardhmen e të rinjve në Shqipëri, pikërisht në kohën kur protestat kundër qeverisë vazhdonin prej ditësh.

Këngëtarja u fokusua te humbja e shpresës mes të rinjve për të ndërtuar një të ardhme këtu, si dhe largimi i vazhdueshëm i shqiptarëve drejt emigracionit. Po pse duhet të ikin të gjithë? Kjo është pyetja që na mundon të gjithëve. Aurela nuk ngurroi të bënte disa pyetje direkte, që na bëjnë të reflektojmë thellë:

A është kaq e vështirë të kuptohet që rinia ka humbur shpresën për të ndërtuar të ardhmen këtu? Pse ikin? Pse duan të ikin? Kush na jep përgjigje? Kush mban përgjegjësi? shkroi Gaçe, duke e bërë zërin e saj jehonë të zërit të shumë të tjerëve.

Dhe si për të theksuar edhe më tej dhimbjen e situatës, ajo ndau edhe vargje nga kënga "Zemërthyer" e Doctor Florit, Vargjet e ndara janë këto:

Jam i pazënë, i parealizuar. Jam i tradhtuar, jam i nënvlerësuar. Nuk jam tregtar e as matematikan. O politikë e ndyrë, jam me gjak, jam me shpirt. E kur nis keq, shkon në fund. Më mirë një fund me dhimbje se një dhimbje pa fund. Dhe më pas, si një shpresë e vogël në errësirë: Një dritë të vogël shohin, se më keq s'ka ku të shkojë VETËM ME BESIM NË ZOT ky vend shpëton.

Mesazhi i Aurelës, i përforcuar me fjalët e Doctor Florit, është një thirrje zgjimi. A do të dëgjohet kjo thirrje, apo do të vazhdojmë të shohim shpresën teksa ikën me valixhe në dorë?