Brikena dhe Mateo: "Familja ime!" Puna po bëhet serioze fare!

Modelja Brikena Selmani ka ndarë së fundmi një foto në Instagram me Mateo Borrin dhe familjen e tij. Në imazh ajo shfaqet në një ditë të kaluar me partnerin dhe familjen e tij, duke taguar Mateon dhe duke shtuar një zemër të kuqe në mbishkrim.

Fraza "familja ime" ka kapur vëmendjen e ndjekësve, pasi tregon nivelin e afërsisë që Brikena ka krijuar me njerëzit më të afërt të Mateos. Duket se lidhja mes çiftit, e cila ka kaluar nëpër disa momente me ulje-ngritje pas përfundimit të "Big Brother VIP Albania 5," tashmë po shkon drejt një tjetër faze.

Në qershor, Brikena deklaroi se lidhja kishte marrë fund, por më vonë ata u afruan sërish dhe gjatë verës filluan të ndajnë publikisht momente nga marrëdhënia e tyre. Po ashtu, edhe Mateo është parë afër familjes së Brikenës. Në fund të gushtit, ai mori pjesë në një ceremoni familjare të modeles, duke dhënë një tjetër sinjal të qartë të afrimit mes dy familjeve.

Pak ditë më parë, çifti na prezantoi edhe një "anëtar" tjetër të familjes së tyre, qenushin Diva, ardhjen e së cilës e ndanë publikisht në rrjetet sociale. Postimi i fundit i Brikenës vjen si një tjetër dëshmi e afrimit të tyre, këtë herë duke theksuar marrëdhënien e saj me familjen e Mateos. A ka mbetur gjë pa zyrtarizuar tani?