Blake Shelton shkrin Gwen Stefani për ditëlindje, me foto super romantike dhe një dedikim zemre

Gwen Stefani festoi ditëlindjen e saj të 57-të të shtunën, më 3 tetor, dhe kush më mirë se bashkëshorti i saj, Blake Shelton, do ta shkrinte me një festim virtual? Këngëtari i njohur i muzikës country i gjallëroi rrjetet sociale duke ndarë një seri fotosh romantike në Instagram për të shënuar këtë ditë të veçantë.

Në këto foto, çifti ikonë shfaqej në poza super të dashura: një herë mes një fushe misri, një herë tjetër duke u përqafuar në një festë, duke dëshmuar se dashuria e tyre është ende e freskët si dita e parë. Bashkangjitur imazheve, Shelton, 50 vjeç, shkroi një dedikim që na bëri të gjithëve të buzëqeshnim, duke thënë: Më e mira që ekziston!!!!!! Të gjithë urojini @gwenstefani ditëlindjen e lumtur!!!! Të dua vajzë e bukur!!! Mjaft që të na bënte të pyesnim: pse s’na paska shkruar ne kush kaq bukur!

Por dhurata nuk mbaroi me kaq! Gjatë fundjavës, Gwen shkoi në Instagram Stories dhe ndau një video të dhuratës së saj të ditëlindjes nga Blake: një gjerdan vezullues me numrin “11”. Numri nuk ishte thjesht një detaj, por kishte një kuptim të veçantë, duke simbolizuar 11 vitet që ata kanë kaluar bashkë si çift. Një dhuratë që flet, apo jo?

Çifti, i cili u takua si trajnerë në programin “The Voice” në vitin 2014, nisi lidhjen në nëntor të vitit 2015 dhe kurorëzuan dashurinë e tyre në korrik të vitit 2021. Historia e tyre duke treguar se dashuria e vërtetë nuk njeh kufij apo mosha.

Madje, në korrik të këtij viti, Shelton ndau sërish foto nga dasma e tyre në Instagram për të festuar përvjetorin. Ai shkroi në atë kohë: 5 vjet dhe çdo ditë është më e mirë se e kaluara. Të dua @gwenstefani SHELTON!!!! Gëzuar përvjetorin vajza ime e bukur!!!! Edhe Stefani postoi pamje nga dasma atëherë, duke iu referuar Sheltonit si “përgjithmonë imi”.

Muajin e kaluar, çifti ndau lajmin e trishtë se qeni i tyre 18-vjeçar, Betty, ishte ndarë nga jeta. Gwen shkroi në Instagram se e ndanin lajmin me zemrat më të rënda. Ajo ndau një video ku shfaqej ajo me Blake, si dhe fëmijët e saj Zuma, Apollo dhe Kingston, duke luajtur me Bettyn, bashkë me disa nga shfaqjet publike të qenit, përfshirë edhe një paraqitje në videoklipin e tyre “Nobody but You”. Ajo na bëri të buzëqeshnim të gjithëve për 18 vjet… do të na mungojë përgjithmonë. Faleminderit Betty për gjithë dashurinë dhe gëzimin që solle në jetët tona, shkroi Stefani.

Epo, kështu funksionon bota e yjeve: mes dhuratash vezulluese dhe lotësh për kafshët shtëpiake. Ç'do të na sjellë tjetër ky çift i famshëm, vallë?