Anne Hathaway “shkëlqen” me fustan që i thekson barkun në premierën e “Verity”

Premiera e shumëpritur e filmit “Verity” shpërtheu në New York, dhe tapeti i kuq u pushtua nga yjet më të ndezur të Hollywood-it! Mbrëmjen e djeshme, më 29 shtator, aktorja Anne Hathaway, Dakota Johnson dhe Josh Hartnett shkelën në AMC Lincoln Square 13, duke dhuruar një spektakël të vërtetë mode.

Por, duhet ta pranojmë, e gjithë vëmendja ishte te Anne Hathaway, e cila është shtatzënë me fëmijën e saj të tretë. Ajo vendosi të theksonte barkun e saj të rrumbullakosur me një fustan mbrëmjeje që i rrinte si doreza, duke krijuar një moment mode që do mbahet mend gjatë. Anne dukej hyjnore me një fustan të punuar me porosi nga Atelier Prabal Gurung, ngjyrë e zezë, i zbukuruar me shifon të copëtuar, lule dhe kristale. Qafa e fustanit ishte në formë zemre, ndërsa fundi me tyl të plisuar dhe motive me pulla shkëlqyese përfundonte me një bisht të gjatë. Një zgjedhje jo vetëm e guximshme, por edhe super elegante!

As Dakota Johnson nuk mbeti pas me stilin e saj, duke ardhur me një look që kishte një “wow-faktor” të garantuar. Aktorja kishte veshur një bluzë të personalizuar Calvin Klein Collection, të qëndisur me pulla të bardha, që shkëlqenin në mënyrë iridishente. Bluzën e kishte kombinuar me një fund të gjatë me çarje të lartë, të pasuruar me thekë kristali që krijonin një efekt ujëvare, plus sandale lëkure me majë katrore. Një kombinim që flet vetë për elegancë dhe detaje të kuruar deri në perfeksion!

Në këtë event madhështor nuk munguan as bashkë-ylli i filmit, regjisori Michael Showalter, skenaristi Nick Antosca, shkrimtarja e librit Colleen Hoover, si dhe bashkëshortja e Josh Hartnett. Është për të theksuar se Anne nuk mundi të udhëtojë jashtë shtetit për premierën e filmit në Londër javën e kaluar për shkak të shtatzënisë, ndërsa Dakota dhe Josh e përfaqësuan atje.

“Verity” është filmi i ri i bazuar në romanin best-seller të Colleen Hoover të vitit 2018. Në film, Dakota Johnson luan rolin e shkrimtares në vështirësi, Lowen Ashleigh, e cila punësohet nga Jeremy Crawford (Josh Hartnett) për të përfunduar një seri librash të shkruara nga bashkëshortja e tij, Verity (Anne Hathaway). Pas një aksidenti misterioz, Verity e gjen veten të paaftë për të përfunduar serinë, dhe gjatë qëndrimit në shtëpinë e çiftit, Lowen zbulon një dorëshkrim të papublikuar me sekrete shumë shqetësuese.

Filmi “Verity” do të shfaqet në kinema më 2 tetor. Jeni gati të zbuloni sekretet e saj?