Shuvee Etrata, nag-effort sa kilig message para sa kanyang 'MVP' na si Anthony Constantino

Sino ba namang hindi kikiligan ang ganitong level ng support? Nag-post si Shuvee Etrata sa Instagram ng mga photos niya habang naka-blue dress bilang muse ng Team Sparkle sa celebrity basketball match na “Bida sa Arena: The Rematch” sa Cebu. Pero ang talagang kumuha ng atensyon ay ang heartfelt message niya para sa fellow Sparkle star na si Anthony Constantino.

Sa kanyang caption, hinarurot ni Shuvee ang paghanga kay Anthony. Sabi niya, I'll always be proud of you, Anthony! Not just for the shots you make... or the games you win, but for the passion, heart, and love you've always put into the things you believe in. Binanggit din ni Shuvee ang isang specific na "hail mary shot" ni Anthony na ayon sa kanya ay nag-history.

Hindi rin nagkulang sa assurance ang actress na laging nasa likod ni Anthony, nanalo man o natalo, at naniniwala rito kahit sa mga araw na hindi nito mahanap ang tiwala sa sarili. Tinapos niya ang mensahe sa pagtawag kay Anthony na kanyang "MVP."

Hindi naman nagpahuli si Anthony sa pag-reply sa comments section, kung saan tinawag niyang "Da best muse" si Shuvee. Napaka-natural lang ng chemistry ng dalawa, lalo na't magkasama silang bida bilang Angge at Bullet sa rom-com digital series na From Vlog to Love na mapapanood tuwing Biyernes at Sabado, 7:00 p.m., sa YouTube channel ng GMA Network.

Kilig much ba? Let's be honest, kung ganito na ang support sa real life, baka hindi na lang ito acting sa digital series nila!