KZ Tandingan at TJ Monterde, pag-uusapan muna ang pag-baby

Aminado si KZ Tandingan na hindi pa siya ready magbuntis kahit anim na taon na silang kasal ni TJ Monterde. Sa latest episode ng Gandang Gabi Vice, kinuwento ng singer na open silang pag-usapan ang pagkakaroon ng anak, pero sa ngayon, career at personal growth muna ang priority niya.

Sabi ni KZ, si TJ ang mas ready maging father sa kanilang dalawa. Gusto muna niyang maabot ang mga goals sa career at mas kilalanin pa ang sarili. Ayaw din daw niyang maging baby taking care of a baby kaya sinisiguro niyang ready siya bilang babae.

Para kay KZ, hindi lang pera ang basehan sa pagiging magulang kundi isang lifelong commitment. Naniniwala siya na walang taong talagang ready, pero responsibilidad pa rin na subukang maghanda. Binigyang-diin din niya na ayaw niyang magka-anak dahil lang sa pressure na maging ina o dahil kailangan niya ng mag-aalaga sa kanya pagtanda.

On the other hand, super supportive naman si TJ sa decision ng asawa. Para sa kanya, dapat mutual decision ang pagkakaroon ng baby dahil dalawa silang magiging magulang. Sabi pa ng "Palagi" hitmaker, pamilya na sila ni KZ kahit silang dalawa lang, at sapat na iyon para maging happy siya sa buhay.

Kung magkaka-baby man sila in the future, ituturing niya itong blessing, pero okay na okay na siya sa setup nila ngayon. Matatandaang noong August, niregaluhan ni TJ si KZ ng lote para sa kanilang dream house. Ang couple ay nag-engage noong 2019 at ikinasal noong sumunod na taon. Magkasama rin silang gumawa ng kantang "Palagi" na isa sa mga theme songs ng Hello, Love, Again.

Sana all may ganyang level ng support system, 'no? Kayo, ready na ba kayo mag-adulting or career muna talaga?