Tayo na o tara na? Liza Soberano, nag-explain ng catchphrase sa 'Forgotten Island'

Nagpaliwanag si Liza Soberano tungkol sa pinagkaiba ng "tayo na" at "tara na" para sa mga international audiences sa isang video kasama ang Genius. Ginamit kasi ang linyang tayo na nina Raissa (Liza) at Jo (H.E.R.) sa movie na "Forgotten Island" tuwing gusto nilang gumawa ng activity o pumunta sa isang lugar.

Aminado si Liza na mas common ang paggamit ng tara na sa Pilipinas kapag sasabihing let's go. Pero para sa kanya, mas meaningful ang tayo na dahil ang ibig sabihin nito ay kailangang magkasama ang dalawang tao sa pag-alis. Ayon sa kanya, mas special ito dahil parang hindi mo kayang gawin ang bagay na iyon kung wala ang kasama mo, kaysa sa simpleng paanyaya lang.

Naging usap-usapan ito online kung saan nag-debate ang mga Pinoy kung tara na ba talaga ang mas natural na gamitin. Sa totoo lang, casual speech ang tara na habang mas formal naman ang dating ng tayo na.

Kuwento ng "Forgotten Island" ang dalawang childhood best friends na sinusubukang makauwi matapos mapunta sa isang mysterious island. Nag-host din sina Liza at H.E.R. ng isang Filipino fiesta-themed dinner sa New York City para i-celebrate ang film.

Kasalukuyang showing na sa mga sinehan ang DreamWorks offering na ito, at nagsimula pa nga sa 100% rating sa Rotten Tomatoes. Deserve ba ang perfect score o masyadong sentimental ang tayo na for you?