Inka Magnaye, dismayado dahil AI ang pinili ng isang big brand kaysa sa voice-actor niyang mom

Kinalat ni voice-over artist na si Inka Magnaye ang kanyang frustration sa Facebook matapos mawalan ng trabaho ang kanyang ina na si Lindy Pellicer. Ang dahilan? Mas pinili raw ng isang major brand na gumamit ng AI tools kaysa kumuha ng human voice talent.

Hindi na niya pinangalanan ang client dahil naiintindihan niya ang business decisions, pero kinuwestiyon niya kung saan ba talaga pumupunta ang pera ng mga kumpanya. Para sa kanya, ang paggastos ng pera ay parang pag-vote kung anong klaseng future ang gusto natin.

Lifeless ang AI

Hindi rin nagpahuli si Inka sa pag-critique sa quality ng AI. Para sa kanya, ang AI voice-overs, art, at music ay "lifeless" dahil hindi nito kayang gayahin ang tunay na buhay. Naniniwala siyang dapat tool lang ang AI at hindi replacement para sa mga creative professionals.

Sabi pa niya, We are your customers, too, bilang paalala sa mga brands na ang mga taong pinapalitan nila ng codes at programs ay ang mga mismong bumibili ng produkto nila.

Open for bookings

Kahit bad trip sa nangyari, hindi nawala ang pagiging wais ni Inka. Bumanat siya ng lighthearted appeal sa dulo ng post niya na kung may brand man na naghahanap ng "amazing voice over," free na raw ang schedule ng mommy niya.

Kalaunan, maraming netizens ang nag-comment para suportahan si Inka at makiramay sa sitwasyon ni Lindy Pellicer.

Para sa mga hindi nakakakilala, si Inka Magnaye ay kilala sa voice-over work at online content. Isa siya sa voice cast ng Philippine release ng film na 'Blue Beetle' at nag-voice rin ng AI ni Good Boy sa 'Start-Up PH.' Nagpapahiram din siya ng boses sa iba't ibang events gaya ng mga concerts at galas.

Kayo, okay lang ba sa inyo na AI na lang ang boses ng mga ads, o mas gusto niyo 'yung may totoong emotion pa rin?