Gehlee Dangca, uuwi na sa Pilipinas para sa solo career
Nagbabalik na sa Pilipinas si Gehlee Dangca para simulan ang kanyang career bilang isang solo artist. Ayon sa Universal Records Philippines, magsisimula siya ng bagong journey sa local at international stage, at may mga paparating na activities at proyekto sa Philippine media at entertainment para makilala pa ng audience ang iba't ibang side niya.
Uuwi rin si Gehlee sa bansa para tapusin ang kanyang pag-aaral. Ito rin ang pagkakataon niya para muling makipag-connect sa mga Filipino fans habang naghahanap ng mga bagong opportunity sa loob at labas ng bansa.
Tuloy pa rin ang partnership niya sa Universal Records Philippines bilang kanyang recording label. Kasama rin sa pag-support sa kanya ang GLXY Talent Management at Star Horizon TV Production, na mga katuwang na niya bago pa man siya pumunta sa Korea.
Nagsimulang mapansin si Gehlee nang sumali siya sa global survival show na Universe Ticket. Noong 2024, opisyal siyang nag-debut bilang member ng South Korean girl group na UNIS sa pamamagitan ng EP na We UNIS.
Ngunit nagtapos na ang journey ng grupo. Noong Sabado, 26 September 2026, opisyal nang winakasan ng UNIS ang kanilang activities bilang full group dahil natapos na ang kanilang contract period. Ayon sa F&F Entertainment, tuloy-tuloy na pinag-usapan ng kumpanya at ng mga members ang contract period at mga susunod na activities, at pagkatapos ng sapat na konsultasyon ay nagpasya silang tapusin ang opisyal na activities ng grupo ayon sa nakatakdang contract period.
Kahit wala na ang UNIS, sinabi ng management na susuportahan pa rin nila ang bawat member sa pag-pursue ng kani-kanilang mga pangarap sa bagong starting line na ito.
Exciting 'to! Tingin niyo ba ay magiging next big solo hitmaker si Gehlee dito sa Pinas?