Catriona Gray, hindi nag-rampa sa Victoria’s Secret Fashion Show 2026; fans, nag- riot

Naging trending topic si Catriona Gray sa mga pageant fans matapos magpahayag ng disappointment ang ilang viewers dahil hindi siya nakitang nag-rampa sa katatapos lang na 2026 Victoria’s Secret Fashion Show.

Kuhang-kuha ang excitement ng ilan na nagpuyat o maagang gumising para lang mapanood ang runway debut ng dating Miss Universe kasama ang mga supermodels na kilala bilang "Angels." Pero naging frustration agad ito nang hindi sumulpot si Catriona sa catwalk, na nag-trigger naman ng mixed reactions sa social media.

Habang may mga nagtatanong kung bakit siya wala sa runway, mabilis namang rumesponde ang mga defenders ng beauty queen. Giit nila, guest lang si Catriona sa prestigious event at hindi talaga siya isa sa mga runway models.

Kabilang sa mga pumuna sa mga bashers ay si @missjacetorres, na nagdiin na malinaw namang sinabi simula pa lang na guest lang ang participation ni Catriona. Sumali rin sa pag-defend si @fairyriekim na nadismaya sa mga negative comments. Sabi niya, It was clearly stated that Catriona Gray was a guest at the VSFS, not someone walking the runway. Let’s just appreciate our own people and be proud that she continues to represent us.

Nagdagdag din ng context ang iba pang supporters na ang photoshoot ni Catriona na naka-angel wings ay part lang ng collaboration ng team niya at Victoria’s Secret Philippines, at hindi ito confirmation na maglalakad siya sa show.

Kahit may online disappointment, nananatiling proud ang marami na ang presensya pa lang ni Catriona sa international fashion event ay isang achievement na dapat ipagdiwang. Para sa mga supporters, naging issue lang ito dahil masyadong tumaas ang expectations ng fans kumpara sa kung ano talaga ang na-announce.