AZ Martinez, namigay ng blessings sa nursing home sa Marikina

Naunahan na ni AZ Martinez ang Christmas rush dahil namigay na siya ng blessings sa isang nursing home sa Marikina. Para sa kanya, way ito para ibalik ang mga biyayang natanggap niya, lalo na't may mga pangarap siyang natupad na.

Sabi ni AZ, active talaga siya pagdating sa charity at mas prefer niya na low-key lang ang ganitong activities. Sanay na raw siya rito dahil ginagawa na ito ng pamilya niya noon pa, especially sa Cebu. Naniniwala siya na may purpose ang bawat blessing na dumarating sa atin kaya dapat itong ibahagi.

Kilig factor din ang visit niya dahil nakatagpo siya ng isang senior citizen na fan pala ng Pinoy Big Brother. Sabi ni AZ, nakakatuwang marinig na nanonood siya ng PBB.

Bukod sa charity work, may mga biyaya rin sa career ni AZ. Kasama siya sa Viu Philippines original series na "Love Siargao" na ipapalabas sa GMA simula Lunes.

Pero ang pinaka-exciting for her ay ang pagkakaroon ng lead role sa series na "The Way Back to You." Dito, makakasama niya ang mga dati niyang PBB housemates na sina Ralph De Leon at Michael Sager.

According to AZ, super fun daw ng set nila at mahilig silang magbiruan at kumain nang sabay-sabay. Pagdating naman sa kwento, paborito niya ang script at storyline dahil feeling niya ito na ang perfect way para simulan ang project.